قديم 02-05-2018, 07:44 PM   #1
حاتم الشرباتي
صاحب الموقع
 
الصورة الرمزية حاتم الشرباتي
 
تاريخ التسجيل: Apr 2012
المشاركات: 12,523
افتراضي ديوان الشاعر المصري أحمد فؤاد نجم

فهر س ديوان الشاعر المصري أحمد فؤاد نجم
01- الفهرس
02- الشاعر المصري أحمد فؤاد نجم
03- هل تعلم ؟؟؟
04- الثوري النوري
05- هما مين واحنا مين
06- الأقوال المأثورة
07- التحالف ( يعيش أهل بلدي )
08-
09-
10-





.
__________________
حاتم الشرباتي متواجد حالياً   رد مع اقتباس
قديم 02-05-2018, 07:55 PM   #2
حاتم الشرباتي
صاحب الموقع
 
الصورة الرمزية حاتم الشرباتي
 
تاريخ التسجيل: Apr 2012
المشاركات: 12,523
افتراضي الشاعر المصري أحمد فؤاد نجم

الشاعر المصري أحمد فؤاد نجم

أحمد فؤاد نجم (23 مايو 1929 - 3 ديسمبر 2013) في قرية ( كفر أبو نجم ) بمدينة ( أبو حماد محافظة الشرقية ) أحد أهم شعراء العامية في مصر وأحد ثوار الكلمة واسم بارز في الفن والشعر العربي ولقب بالفاجومي المصري وبسبب ذلك سجن عدة مرات . يترافق اسم أحمد فؤاد نجم مع ملحن ومغن هو الشيخ إمام ، حيث تتلازم أشعار نجم مع غناء إمام لتعبر عن روح الإحتجاج الجماهيري الذي بدأ بعد نكسة 1967.
في عام 2007 اختارته المجموعة العربية في صندوق مكافحة الفقر التابع للأم المتحدة سفيرا للفقراء.
عمل نجم في معسكرات الجيش الانجليزي متنقلا بين مهن كثيرة ( كواء..لاعب كرة.. بائع ..عامل انشاءات وبناء.. ترزي. )و في فايد و هي احدى مدن القنال التي كان يحتلها الانجليز التقى بعمال المطابع و كان في ذلك الحين قد علم نفسه القراءة و الكتابة
و بدأت معاناته الطويلة تكتسب معنى.
و اشترك مع الآلاف في المظاهرات التي اجتاحت مصر سنة 1946
و تشكلت اثناءها اللجنة الوطنية العليا للطلبة و العمال.
يقول نجم: كانت أهم قراءاتي في ذلك التاريخ هي رواية الأم لمكسيم غوركي,
و هي مرتبطة في ذهني ببداية و عيي الحقيقي و العلمي بحقائق هذا العالم,
و الأسباب الموضوعية لقسوته و مرارته.
ولم أكن قد كتبت شعرا حقيقيا حتى ذلك الحين
و انما كانت أغان عاطفية تدور في اطار الهجر و البعد
و مشكلات الحب الاذاعية التي لم تنته حتى الآن...
و في الفترة ما بين 51 الى56 اشتغل شاعرنا عاملا في السكك الحديدية.
وبعد هذه الفترة بدأ في نشر دواوينه سجن عدة مرات بتهم مختلفة
ومازال نجم يسكن حجرة متواضعة في حارة حوش قدم
وفاته:توفي اليوم الثلاثاء الشاعر المصري أحمد فؤاد نجم
بتاريخ 02/ 12/ 2013 حيث توفي فجراً في منزله بالمقطم عن عمر ناهز 84 عاما
ألمصدر: منتديات عروس - الأركان العامة-الواحة الأدبية - خيمة الشعر والشعراء
http://forums.3roos.com/3roos709185/
__________________
حاتم الشرباتي متواجد حالياً   رد مع اقتباس
قديم 02-05-2018, 08:17 PM   #3
حاتم الشرباتي
صاحب الموقع
 
الصورة الرمزية حاتم الشرباتي
 
تاريخ التسجيل: Apr 2012
المشاركات: 12,523
افتراضي هل تعلم ؟؟؟

__________________
حاتم الشرباتي متواجد حالياً   رد مع اقتباس
قديم 02-05-2018, 08:32 PM   #4
حاتم الشرباتي
صاحب الموقع
 
الصورة الرمزية حاتم الشرباتي
 
تاريخ التسجيل: Apr 2012
المشاركات: 12,523
افتراضي الثوري النوري

المختار من قصائد الشاعر المصري أحمد فؤاد نجم
الثوري النوري

الثوري النوري
حلا ويللا يا حلا ويللا
يا خسارة ياحول اللا
الثورى النورى الكلمنجى
هلاب الدين الشفطنجى
قاعد فى الصف اللأكلنجى
شكالاطه وكراميلا
***
يتمركس بعض الأيام
يتمسلم بعض الأيام
ويصاحب كل الحكام
وبستاشر ملة
***
ياحلولو لو شفته زمان
مهموم بقضايا الانسان
بيتكتك لا تقول بركان
ولابوتاجاز ولا حلة
***
ايش حالك ياجريبى اليوم
وايش جاب التفاح للدوم
وايش جاب الأوضة ف بدروم
للعربيه وفيللا
***
جرانين ومسارح وادارة
ومعلق طبلة وزماره
يسلك أهو بيزمر
يعطل يجيبوا له المنفيلا
واترستق هلاب الدين
بقى عاقل جدا ورزين
ويا عينى علينا يا مجانين
عشنا ومتنا بعله
ألمصدر: منتديات عروس - الأركان العامة-الواحة الأدبية - خيمة الشعر والشعراء
http://forums.3roos.com/3roos709185/
__________________
حاتم الشرباتي متواجد حالياً   رد مع اقتباس
قديم 02-05-2018, 08:39 PM   #5
حاتم الشرباتي
صاحب الموقع
 
الصورة الرمزية حاتم الشرباتي
 
تاريخ التسجيل: Apr 2012
المشاركات: 12,523
افتراضي هما مين واحنا مين

المختار من قصائد الشاعر المصري أحمد فؤاد نجم
هما مين واحنا مين

هما مين واحنا مين
هما الامر والسلاطين
هما المال والحكم معاهم
واحنا فقرا ومحكومين
حزر فزر شغل مخك
شوف مين فينا بيحكم مين
احنا مين وهما مين
احنا الفعلا البنايين
احنا السنه واحنا الفرض
احنا الناس
بالطول والعرض
من عافيتنا تقوم الارض
وعرقنا يخضر بساتين
خزر فزر شغل مخك
شوف مين فينا
بيخدم مين
هما مين واحنا مين
هما الامرا والسلاطين
هما الفيلا والعربيه
والنساوين المتنقيه.. طبعاً
حيوانات استهلاكيه
شغلتهم حشو المصارين
حزر فزر شغل مخك
شوف مين فينا بياكل مين
احنا مين وهما مين
احنا قرنفل على ياسمين
احنا الحرب حطبها ونارها
احنا الجيش اللى يحررها
واحنا الشهدا ف كل مدارها
منتصرين او منكسرين
حزر فزر شغل مخك
شوف مين فينا بيقتل مين
هما مين واحنا مين
هما الامرا والسلاطين
هما مناظر بالمزيكه
والزفه وشغل البولوتيكا
ودماغهم طبعا استيكه
بس البركه فى النياشين
حزر فزر شغل مخك
شوف مين فينا بيخدع مين
هما مين واحنا مين
هما الامرا والسلاطين
هما بيلبسوا اخر موضه
واحنا بنسكن سبعه ف اوضه
هم بياكلوا حمام وفراخ
واحنا الفول دوّخنا وداخ
هم بيمشوا بطيارات
واحنا نموت في الأوتوبيسات
هم حياتهم تمضي جميلة
هم فصيلة واحنا فصيلة
حادي يا بادي يا عبد الهادي
راح تفهم قصد الغنوة دي
لمّا الشعب يقوم وينادي
يا احنا يا هم في الدنيا دي
حزر فزر شغل مخك
شوف مين فينا حيغلب مين!!!
ألمصدر: منتديات عروس - الأركان العامة-الواحة الأدبية - خيمة الشعر والشعراء
http://forums.3roos.com/3roos709185/
__________________
حاتم الشرباتي متواجد حالياً   رد مع اقتباس
قديم 02-05-2018, 08:58 PM   #6
حاتم الشرباتي
صاحب الموقع
 
الصورة الرمزية حاتم الشرباتي
 
تاريخ التسجيل: Apr 2012
المشاركات: 12,523
افتراضي الأقوال المأثورة

المختار من قصائد الشاعر المصري أحمد فؤاد نجم
الأقوال المأثورة

المجد للشاه
فى الاعالى
وبالناس المذله
وعلى الارض
الخراب
" شاهبور با ختيار "
من سفر ما قبل الخروج
حبيبك وصاحبك
وصاحب حبيبك
كلام كله فارغ
عديم المعانى
اذا الندل صاحبك
يصاحبك لعله
وتسمع كلام
زي كذب الاغانى
وانا اللى اشتريت الخسيس
بالخساره
وبعت الاصيل
اللى يا ما اشترانى
واول ما هبت
رياح النهايه خلعنى الخسيس
من صباعه ورماني
الشاهنشاه رضا فهلوي
من سفر الخروج
اخويا الامير
بزرميط الايرانى
وعظنى ونصحنى
وسلك ودانى
لان اللى نابه
يا حبه عنيا
ما يتيخلوش
أي كاتب اغانى
دا كان لسه قاعد معايا
النهارده
ولابس خواتم دهب
امريكانى
صحيح الشعوب
بنت كلب ولئيمه
وممكن
تزيح العروش فى ثوانى
" واحد صاحبنا "
من سفر ما بعد الخروج
ألمصدر: منتديات عروس - الأركان العامة-الواحة الأدبية - خيمة الشعر والشعراء
http://forums.3roos.com/3roos709185/
__________________
حاتم الشرباتي متواجد حالياً   رد مع اقتباس
قديم 02-05-2018, 09:14 PM   #7
حاتم الشرباتي
صاحب الموقع
 
الصورة الرمزية حاتم الشرباتي
 
تاريخ التسجيل: Apr 2012
المشاركات: 12,523
افتراضي التحالف ( يعيش أهل بلدي )

المختار من قصائد الشاعر المصري أحمد فؤاد نجم
التحالف ( يعيش أهل بلدي )

يعيش أهل بلدي
وبينهم ما فيش
تعارف
يخلي التحالف يعيش
تعيش كل طايفه
من التانيه خايفه
وتنزل ستاير بداير وشيش
لكن فى الموالد
يا شعبي يا خالد
بنتلم صحبه
ونهتف .. يعيش
يعيش أهل بلدي
يعيش المثقف على مقهى ريش
يعيش يعيش يعيش
محفلط مزفلط كتير كلام
عديم الممارسه
عدو الزحام
بكام كلمة فاضيه
وكام اصطلاح
يفبرك حلول المشاكل قوام
يعيش المثقف
يعيش يعيش يعيش
يعيش أهل بلدي
يعيش التنابله
فى حي الزمالك
وحى الزمالك
مسالك مسالك
تحاول تفكر تهوب هنالك
تودر حياتك
بلاش المهالك
لذلك إذا عزت توصف حياتهم
تقول الحياة عندنا
مش كذلك
وممكن تشوفهم فى وسط المدينه
اذا مر جنبك
أتومبيل سفينه
قفاهم عجينه
كروشهم سمينه
جلودهم بتضوي
دماغهم تخينه
سنانهم مبادر تفوت فى الجليد
ما فيش سخن بارد
بياكلوا الحديد
ما دام نهر وارد
وجاي م الصعيد
تزيد الموارد
كروشهم تزيد
وتسمع وتسلم
بأن التنابله
أو الأكالين
حيسمح كبيرهم
ويعمل مقابله
مع الفلاحين
ويحصل تحالف
ما بين الجميع
ونملا المصارف
بدم القطيع
أطيع الخليفه
أطيع والديك
أطيع التنابله
دا مفروض عليك
وتزرع وتبعت لحي الزمالك
وحي الزمالك
مسالك مسالك
تحاول تفكر تهوب هنالك
تودر حياتك بلاش المهالك
لذلك
إذا حد جاب لك سيرتهم
تبسمل تكبر
وتهتف كذلك
يعيش التنابله
يعيش يعيش يعيش
يعيش أهل بلدي
يعيش الغلابه
فى طي النجوع
نهارهم سحابه
وليلهم دموع
سواعد هزيله
لكن فيها حيله
تبدر تخضر جفاف الربوع
مكن شغل كايرو
ما يتعبش دايره
لا ياكل
ولا حتى يقدر يجوع
يا غلبان بلدنا
يا فلاح يا صانع
يا شحم السواقي
يا فحم المصانع
يا منتج
يا مبهج
يا آخر حلاوه
يا هادي
يا راضي
يا عاقل
يا قانع
ما تتعبش عقلك
فى شغل السياسه
وشوف انت شغلك
بهمه وحماسه
وعود عيالك فضيله الرضا
لأن إحنا طبعا
عبيد القضا
ورزقك ورزقي ورزق الكلاب
دا موضوع مؤجل ليوم الحساب
كمان الصحافه
حتكتب فى حالتك
وتنشر مناظر لخالك وخالتك
وتتطلع يا مسعد عليك الغناوي
وتسمع باسمك
فى قلب القهاوي
تحبك مشيره وبنات الجزيره
وقصه غرامك
تشيع فى الرداوي
يعيش عم مسعد
يعيش يعيش يعيش
يعيش أهل بلدي
ألمصدر: منتديات عروس - الأركان العامة-الواحة الأدبية - خيمة الشعر والشعراء
http://forums.3roos.com/3roos709185/
__________________
حاتم الشرباتي متواجد حالياً   رد مع اقتباس
إضافة رد

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 01:35 PM.


Powered by vBulletin® Version 3.8.7
Copyright ©2000 - 2018, vBulletin Solutions, Inc. by Hatem

.: عداد زوار المنتدى ... انت الزائر رقم :.